کیوٹو میں موسم خزاں ہے، یعنی Leaf-peeping ‘پتا نمائی’ کا وقت ہوا چاہتا ہے
رات میں جلتی روشنیاں۔ آراشیاما، کیوٹو (日本京都-嵐山夜燈) by Flickr user Keiko Shih.
ہر موسمِ خزاں میں جاپان کے تمام پہاڑی علاقوں میں کویو (紅葉) یا درختوں کے رنگین پتوں کے باعث زندگی کی نئی لہر دوڑ جاتی ہے۔ خزاں میں (leaf-peeping) “لیف پِیپنگ یا پتا نمائی” ایک قدیم جاپانی رواج چلا آرہا ہے– یہاں تک کہ جاپان کا قومی سیاحتی ادارہ (JNTO) “خزاں کے پتوں تک راہنمائی” کے نام سے کتابچہ شایع کرتا ہے، جس میں پورے جاپان کے بارے میں درج کیا جاتا ہے کہ کہاں اور کس وقت خوبصورت ترین خزاں کے رنگ دیکھے جا سکتے ہیں۔
مجھے آج بہت لطف آیا۔ #arashiyama #Tenryuji #kimono
ایک سیاحتی مقام کے طور پہ، کیوٹو خزاں کے رنگ دیکھنے کیلئے سرفہرست رہا ہے۔ یہ شہر، جو جاپان کا پرانا دارالحکومت تھا ، پہاڑیوں اور جنگلات سے گھرا ہوا ہے اور اس کے چاروں اطراف میں دیکھنے کیلئے بہت کچھ ہے۔ نتیجتاً ہر موسمِ خزاں میں انسٹاگرام اور ٹویٹر پہ خزاں کے پتوں کی تصاویر کا ایک سیلاب ہوتا ہے۔
آراشیاما، جو کہ کیوٹو کے مغربی نواحی علاقے میں ہے، جاپان میں موسمِ خزاں کے رنگ دیکھنے کیلئے لازمی جگہوں میں سے ایک ہے۔ کیوٹو کے غیر مقامی افراد اور اکثر غیر جاپانی افراد بھی آراشیاما میں ساگانو کے بانس کے جنگلات کو فوراً پہچان جاتے ہیں۔
آراشیاما میں دریائے اوئی پر بنا پُل بھی سیاحوں میں ایک مقبول ترین مقام ہے۔ ہر سال خزاں میں ٹوگتسُوکیو پل بہترین نظارے کو عکسبند کرنے کے متمنی سیاحوں سے کھچا کھچ بھرا رہتا ہے۔
آراشیاما کی بلندی پہ موجود پہاڑیاں خزاں کے رنگا رنگ پتوں کے ساتھ ساتھ کیوٹو کا مشرقی سمت میں ایک شاندار نظارہ دیتی ہیں۔ یہ اوکوچی ماؤنٹین وِیلا (大河内山荘 Ōkōchi Sansō) سے لیا گیا ایک نظارہ ہے ۔
آراشیاما میں تینریو مندر (天龍寺, Tenryū-ji) بھی ایک مشہور سیاحتی مقام ہے۔ یہ چودھویں صدی عیسوی کا زین مندر اپنے باغات اور خزاں کے رنگوں کے باعث جانا جاتا ہے۔
نصف نومبر میں تینریو مندر آراشیاما میں موسمِ خزاں کے رنگ۔
نصف نومبر میں تینریو مندر آراشیاما میں موسمِ خزاں کے رنگ۔
نصف نومبر میں تینریو مندر آراشیاما میں موسمِ خزاں کے رنگ۔
چاول کے بھنے ہوئے ڈانگو ڈمپلنگ موسمِ خزاں کی پسندیدہ سوغات ہے۔
آراشیاما میں گھومتے ہوئے میتاراشی ڈانگو (میٹھی سویا ساس کے ساتھ چاول کے ڈمپلنگ ) کھانا سب سے اعلیٰ ہے۔
دن کے اختتام پہ ایک ٹویٹر صارف نے جاپان کے لازم و ملزوم خزاں کے پھول کوسموس (Cosmos bipinnatus)، “خزاں کے چیری بلاسم” کو عکس بند کیا ہے۔ (アキザクラ, aki no sakura)
— ranzan1959 (@rannzann1959) October 30, 2016
خزاں میں “بکھرے ہوئے بادلوں” کا آسمان